Дорогие друзья!

Дорогие друзья!



Мы рады приветствовать вас в нашем блоге, который адресован всем, кто неравнодушен к чтению и книгам. Мы приглашаем детей, пап и мам, бабушек и дедушек, педагогов и своих коллег, а также всех, кому придётся по душе наша библиотека, познакомиться с нашей работой и открыть для себя много нового, увлекательного и полезного. Надеемся, что наше общение будет разносторонним и интересным.



Присоединяйтесь к нам! Давайте отправимся в плавание по морю информации вместе!

четверг, 21 февраля 2019 г.

Міжнародны дзень роднай мовы

21 лютага ў свеце адзначаецца Міжнародны дзень роднай мовы. Ён быў абвешчаны UNESCO 17 лістапада 1999 года. Cёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. 


Беларуская мова – жывая і чароўная, “з легендаў і казак” сатканая, “вобразная, вольная, пявучая”, цудоўная родная мова. Калі мы чуем яе – ці то сучасную літаратурную, ці змешаную "трасянку", або мясцовую дыялектную – гэта ўсё яна – наша беларуская мова. Нашы бацькі, дзяды і прадзеды нямала зрабілі, каб беларуская мова была прызнаная як роўная сярод іншых моў свету. 

Выстава-інсталяцыя да Міжнароднага дня роднай мовы пад назвай “ВУЛІЦА БІБЛІЯТЭЧНАЯ ” 21 лютага ўтульна размясцілася ў Цэнтральнай дзіцячай бібліятэцы імя М.Астроўскага. На бібліятэчнай вуліцы заўсёды добры настрой і сонечнае надвор’е.


 Маленькія чытачы могуць не толькі пагуляць у лялькі, але і праверыць свае веды: трэба як мага болей прадметаў на інсталяцыі назваць па-беларуску. 
Любіце і шануйце родную мову! 









Логические загадки



среда, 20 февраля 2019 г.

“Людзей слухай, а свой розум май”


20 лютага ў Цэнтральнай дзіцячай бібліятэцы імя М.Астроўскага прайшло гучнае чытанне беларускіх народных казак пад назвай “Людзей слухай, а свой розум май”. Сустрэча адбылася  напярэдадні Міжнароднага дня роднай мовы (21.02).
Казкі прысутнічаюць у жыцці кожнага чалавека з дзяцінства. Казка ­– гэта не проста забава. У ёй хаваюцца назапашаныя стагоддзямі і пакаленнямі веды. Гэта пасланне нашчадкам пра тое, як жыць, любіць, сябраваць, дзейнічаць у складаных сітуацыях, як будаваць сям’ю, адносіны паміж мужчынам і жанчынай, паміж бацькамі і дзецьмі. У той момант, калі дзіця слухае казку, у глыбіні яго душы адбываюцца пераўтварэнні. Казка не проста настаўнік, яна добры лекар, які дапаможа перажыць гора, смутак, трывогу.
У цудоўных казках нашага народа – жыццёвая мудрасць і духоўныя каштоўнасці, уласцівыя менавіта беларускім людзям. Беларускія казкі павучаюць, падказваюць, перасцерагаюць, развіваюць увагу, памяць, мысленне. Іх карысна ўводзіць у жыццё дзіцяці ў любы час.


На сустрэчы з вучнямі мінскай школы №67 мы засяродзілі ўвагу менавіта на казкі пра жывёл – сапраўднае багацце беларускага фальклору, дзе кожны персанаж мае характар чалавека. Хлопчыкі і дзяўчынкі адразу зразумелі, хто добры, а хто злы і хітры. Для чытання і абмеркавання наўмысна ўзялі кароткія, з простым сюжэтам, невялікай колькасцю персанажаў, дзе выразна супрацьпастаўляюцца дабро і зло. Чытанне трох казак суправаджалася тэатральнымі элементамі і гульнёй з цацкамі. Казачная віктарына праверыла памяць школьнікаў. Падарункі атрымалі самыя ўважлівыя.

Казка – адзін з тых колераў вясёлкі, які робіць дзіцячы свет больш цёплым і сардэчным. Чытайце беларускія народныя казкі! 
Са святам роднай мовы!


 

“Радка жывога пілігрымы…”

19 лютага ў рамках Тыдня роднай мовы ў Цэнтральнай дзіцячай бібліятэцы імя  М.Астроўскага прайшла прэзентацыя новай кнігі “Радка жывога пілігрымы…” паэта, перакладчыка Іны Мікалаеўны Фраловай. У кнізе змешчаны пераклады як сучасных майстроў высокага
мастацкага слова, так і класікаў. На сустрэчы прысутнічала шмат знакамітых гасцей. Казімір Камейша, Вольга Сакалова і Лідзія Шагойка выказалі словы шчырай падзякі Іне Мікалаеўне за цудоўныя пераклады. Пажадалі творчых поспехаў і выхаду новых кніг. На працягу ўсёй сустрэчы гучалі вершы паэтаў свету ў перакладзе таленавітай паэтэсы.
Бард Андрэй Зыгмантовіч, які выконваў песні “Белыя берагі”, “Штрафная рота”, і танцавальны калектыў “Dance top” пад кіраўніцтвам Ліліі Лучко кранулі сэрцы ўсіх прысутных і вельмі ўпрыгожылі нашу паэтычную гадзіну.

Са святам роднай мовы!



вторник, 19 февраля 2019 г.

Сустрэча ФЭНТЭЗІ - КЛУБА


Кнігі, асабліва сучаснае фэнтэзі, - гэта не толькі пра тое, як і што варта чытаць. Гэта яшчэ пра тое, як гуляцца з тэкстам. Вось на апошняй сустрэчы мы паспрабавалі зладзіць квэст-настолку па матывах "Часодеев" Наталлі Шчэрбы. Удзельнікам давялося не толькі напружваць памяць, але і дэманстраваць рыхтоўнасць працаваць у камандзе ды добрую фізічную форму! 


А вы кажаце, кніжкі - гэта сум і самота! 
Завітвайце да на нас!