"Сем ружаў"

 -“ Ці любіце вы казкі?” – запытала ў дзяцей Надзея Ясмінска. Я захаплялася казкамі замежнымі і беларускімі, цікавілася беларускімі міфамі,  заўсёды любіла чытаць. Мне падабаецца прыдумляць, сачыняць і ў дзяцінстве  пісала шмат казак. У сваіх казках я выкарыстоўваю і  заходнія матывы (эльфы, тролі)  і  шмат узяла з беларускіх міфаў і легенд (лясуны, жытняя баба, мешы). На ўроках вам казкі часта не расказваюць, таму сёння я раскажу вам казку “Блакітная Ружа і скарб волаткі”.

Так пачалася сустрэча з Надзеяй Ясмінскай, аўтаркай кнігі казак “Сем ружаў”, лаўрэатам першай літаратурнай прэміі імя Цёткі (у намінацыі "Найлепшы твор для дзяцей і падлеткаў").

- Я напісала ўжо 7 кніг і пакуль  што “Сем ружаў” – гэта адзіная кніга на беларускай мове. Я вырашыла, што гэта будзе сем дзяўчынак і  ім будуць падораны сем цудоўных руж. Усе гісторыі звязаныя з Густым лесам, а героі будуць рознымі.

З задавальненнем дзеці паглядзелі відэа па ілюстрацыях  Кацярыны Дубовік да кнігі “Сем ружаў”. Мастачка Кацярына Дубовік перамагла ў конкурсе ілюстратараў ў намінацыі «Найлепшае мастацкае афармленне».

А колькі было пытанняў да Надзеі!! Вельмі спадабалася нашым чытачам і абаяльная аўтарка і пачутая чароўная казка, як Блакітная Ружа шукала шчасце.

Больш фота гл. тут