11 лістапада ў Цэнтральнай дзіцячай бібліятэцы імя
М.Астроўскага пры падтрымцы Пасольства Швецыі ў
Мінску і Цэнтра шведскіх даследаванняў адбылася прэзентацыя праекта “Тыдзень
літаратуры Паўночных краін” https://www.nordisklitteratur.org/viru, які ўжо больш за 20 гадоў
накіраваны на распаўсюджванне любові да чытання, літаратуры і скандынаўскай
традыцыі апавядання, якая не ведае межаў.
Уступнае слова ўзяў намеснік пасла, першы сакратар
Пасольства Швецыі Конрад Рыкардсан, які расказаў прысутным пра актыўнае
супрацоўніцтва пасольства з Цэнтральнай дзіцячай бібліятэкай імя М.Астроўскага.
Тыдзень
літаратуры Паўночных краін праводзіцца штогод у форме чытанняў услых абраных
кніг. Тэмай гэтага года стала «Нардычнае святкаванне», і гэта нездарма.
Канфедэрацыя паўночнаеўрапейскіх асацыяцый (арганізатар праекта) святкуе свой
100-гадовы юбілей, таму і ўрыўкі кніг сёлета адлюстроўваюць тэму святкавання. Госці
прапанавалі маленькім слухачам нашай бібліятэкі знакамітую дзіцячую кнігу
"Піпі Доўгаяпанчоха” Астрыд Ліндгрэн у перакладзе Д.Плакса. Акторка Вераніка Фаміна правяла кароткую гутарку з
дзецьмі, каб патлумачыць значэнні некаторых складаных слоў з тэксту на
беларускай мове перад чытаннем, і з вялікім майстэрствам прачытала ўрывак твора пра супердзяўчынку пад назвай "Піпі святкуе дзень
нараджэння”. Уважлівыя хлопчыкі і дзяўчынкі без
цяжкасці адказалі на ўсе пытанні пасля чытання. Напрыканцы сустрэчы дзяцей чакаў салодкі стол з цукеркамі, печывам і сокам, а таксама шмат падарункаў.
На сустрэчы ўсе прысутныя маглі
пазнаёміцца з выставай кніг скандынаўскіх пісьменнікаў, падрыхтаванай
супрацоўнікамі малодшага абанемента. Пасля цікавага мерапрыемства дзеці яшчэ
доўга дзяліліся сваімі ўражаннямі, фатаграфаваліся, а настаўнікі казалі словы
падзякі арганізатарам і гасцям свята.
Комментариев нет:
Отправить комментарий