У год 130-годдзя з дня нараджэння класікаў беларускай літаратуры
«Краязнаўчая газета» пранануе чытачам
літаратурна-краязнаўчую віктарыну.
На старонках газеты будуць друкавацца пытанні, адказы на якія трэба будзе даслаць у рэдакцыю па пошце (звычайнай ці электроннай). Дата адпраўкі будзе вызначацца па выхадному паштоваму штэмпелю ці па даце электроннага файла. Адказы трэба адпраўляць у рэдакцыю не пазней дзесяцідзённага тэрміна пасля апублікавання пытання ў газеце. За кожны правільны адказ будуць налічвацвацца балы (ад 1 да 3 у залежнасці ад складанасці пытання).
Трох пераможцаў, якія атрымаюць найвялікую колькасць балаў, вызначьщь прафесійнае журы.
Акрамя асноўнага конкурсу таксама па адным пераможцы будуць вызначаныя ў дзвюх намінацыях: “Самы юны знаўца Янкі Купалы і Якуба Коласа» і «Самы сталы знаўца Янкі Купалы і Якуба Коласа». Вынікі віктарыны будуць падведзеныя на працягу 20 дзён пасля апублікавання апошняга пытання. Пераможцы віктарыны атрымаюць каштоўныя прызы.
"Краязнаўчая газета" (№ 8, 2012 г.) прапануе першае пытанне і чакае адказы па 6 сакавіка ўключна.
У якой мясцовасці знаходзіўся маёнтак аднаго з найбольш старажытных (з вядомых сёння) продкаў Івана Луцэвіча - Станіслава Луцэеіча, які жыў у XVII стагоддзі? Як ён называўся? Якімі вёскамі гэты чалавек валодаў? Ці захаваліся яны да нашага часу? Калі захаваліся, то як цяпер называюцца?
Краязнаўчая газета. – 2012. - № 8 (люты). – С. 4.
Адрас рэдакцыі "Краязнаўчай газеты":
Ул. Траецкая набярэжная, 6, Мінск, 220075
Тэл.: 283-28-26; 334-61-62
Эл. пошта
kraga@tut.by
Комментариев нет:
Отправить комментарий