новая кніга "Вухуцік. Васільвася",
з якой пачынаецца асобная серыя "Казкі Кніжнай феі". Ад назвы да
формы кніга атрымалася незвычайнай. Адна частка – для чытачоў-хлопчыкаў, другая
– для дзяўчынак. Гэта два ўваходы ў адну кнігу, а пасярэдзіне чытачоў чакае
прыемны сюрпрыз...“вандрульня” (вандроўка і гульня). Выдатныя ілюстрацыі, якія робяць кнігу
арыгінальнай, стварыла цудоўная мастачка Вераніка Лемешава.
Адзін з галоўных персанажаў кнігі-перакруткі – істота незвычайная, але
вельмі добрая і сімпатычная. “Сілуэт нагадваў тоўсценькі агурок, дзве рукі,
дзве нагі. На галаве зверху нешта падобнае на невялікі шарык. Тварык прывабны,
нават пацешны: авальныя вочы, прыпаднятыя бровы надаюць яму мілы, крыху
здзіўлены выгляд. Рот таксама нагадваў авальчык, а самым дзіўным быў нос, які
меў форму дудачкі…”. Хто ён і адкуль? Чаму ў яго такая
незвычайная знешнасць? Што
за прыгоды адбываліся з ім?
Адказы на гэтыя пытанні хлопчыкі і дзяўчынкі, якія прачытаюць фантастычныя
апавяданні, знойдуць
у кнізе.
Насычаная прыемнымі ўражаннямі вясёлая і пазітыўная сустрэча дала
магчымасць дзецям паслухаць урыўкі з кнігі, пагуляць, паказаць веданне
беларускай мовы, пазнаёміцца з лялькамі – героямі такіх добрых кніг
пісьменніцы, шчыра пасмяяцца і, нават, панаціскаць чароўныя кнопкі, каб трапіць
у сапраўдны касмічны партал. Яшчэ доўга маленькія чытачы не адпускалі
пісьменніцу, задавалі пытанні, бралі аўтографы і фатаграфаваліся.
Выказваем падзяку спадарыне Кацярыне за цудоўнае мерапрыемства, любоў да
беларускай мовы і высокі прафесіяналізм у рабоце з дзецьмі.Ад шчырага сэрца
жадаем рэалізацыі ўсіх задуманых творчых планаў і з нецярпеннем чакаем новых
сустрэч!
Комментариев нет:
Отправить комментарий