Дзень Паэзіі
Літаратурная прэмія «Дэбют» імя Максіма
Багдановіча ўжо чацвёрты год ўручаецца па вясне новым імёнам ў беларускай прозе
і паэзіі.
У межах святкавання Дня Паэзіі (21 сакавіка) мы далі магчымасць сваім чытачам
пазнаёміцца з маладымі літаратарамі і паслухаць іх творы. Сёлета былі запрошаны першы пераможца прэміі “Дэбют” імя Максіма Багдановіча
Віталь Рыжкоў (кніга “Дзверы, замкнёныя на ключы”, 2010 год) і пераможца 2014
года Уладзь Лянкевіч (кніга “70% вады”).
Віталь Рыжкоў за зборнік паэзіі «Дзверы, замкнёныя
на ключы»
ў
намінацыі «Паэзія»
Уладзь
Лянкевіч за зборнік паэзіі “70 % вады” ў намінацыі «Паэзія»
Уладзь Лянкевіч прыехаў на
сустрэчу са сваёй гітарай. Адразу
хочацца выказаць свае ўласныя адчуванні ад сустрэчы з гэтымі маладымі хлопцамі:
” Глядзела я на выступоўцаў і
ўспамінала творчы дуэт у складзе Эдуарда
Акуліна і Леаніда Дранько-Майсюка, які так радасна заўсёды сустракаюць дзеці.” Думалася: “Як уважліва слухаюць, як ціха ў зале - чаму ж так мала сёння ў бібліятэцы выдаюцца
кнігі паэзіі ? Ці патрэбныя сёння вершы
гэтых маладых ? Адказ - Віталь Рыжкоў
прыйшоў на сустрэчу без кнігі, яна была адразу прададзена.
І Уладзь і Віталь лёгка
трымалі ўвагу аўдыторыі, таксама добра дапаўнялі адзін аднаго, а дзеці ўважліва
іх слухалі, задавалі розныя пытанні і адразу было відаць, што вершы Уладзя і
Віталя ім даспадобы.
Дзякуй выступоўцам, што
адразу пагадзіліся на сустрэчу.
Падтрымліваю словы загадчыцы дзіцячай
бібліятэкі № 6 Патук Тамары Анатольеўны : “ Такія цікавыя хлопцы, такія
патрыёты, выступаюць цудоўна!”.
Жадаем
Віталю і Уладзю ўдачы і поспехаў
Людміла Дуброўская
