Сустрэча з супрацоўнікамі часопіса "Бярозка"

Сёння ў дзіцячай бібліятэцы было не па-восеньску цёпла, бібліятэка расчыніла свае дзверы для беларускіх пісьменнікаў, якія з’яўляюцца супрацоўнікамі часопіса “Бярозка”. Да нас у госці завіталі Генадзь Аўласенка, Віктар Лупасін і Аксана Ючкавіч. Актыўнымі ўдзельнікамі сустрэчы сталі вучні 7 “А” і 7 “Б” класаў 67 сярэдняй школы.

На працягу гадзіны нашы госці распавядалі падлеткам аб часопісе

“Бярозка”, чыталі і паказвалі вершы, рэкламавалі свае кнігі, задавалі цікавыя і незвычайныя пытанні, а таксама заклікалі ўсіх паспрабаваць сябе ў майстэрстве слова (пісаць творы і дасылаць іх ў часопіс), у майстэрстве малюнку (маляваць маленькія карыкатуры на творы часопіса).

Асалоду ад сустрэчы атрымалі не толькі ўдзельнікі-падлеткі, але і пісьменнікі-госці.