Апытанка да Дня беларускай мовы. Вынікі.

Успомнім самых актыўных удзельнікаў апытанкі “Беларускія вершы, прыказкі і прымаўкі, загадкі: хто больш”сярод чытачоў і супрацоўнікаў Цэнтральнай гарадской дзіцячай бібліятэкі , якая доўжылася на працягу тыдня.

Слухаеш чалавека, цікавішся яго лёсам, адносінамі да беларускай мовы.

Першай адазвалася на наш заклік супрацоўніца бібліятэкі Былінская Ірына Анатольеўна. Экспромтам прачытала  яна верш Аркадзя Куляшова “Камсамольскі білет”.

Ірына Анатольеўна закончыла школу ў 1971 годзе  і, як дачка вайскоўца, была вызвалена ад наведвання ўрокаў беларускай мовы. Потым увесь час шкадавала, што ў свой час не вывучала мову.

Самымі актыўнымі  ўдзельнікамі заўсёды з’яўляюцца вучні малодшых класаў. Пяцікласніцы СШ № 145 Жыткавец Даша і Лісіцына Ганначка  цудоўна прачыталі верш Максіма Багдановіча “Зімой”.

Дыяна Касіневіч, вучаніца 6 “Б” класа СШ  № 145,  вельмі эмацыянальна, адбіваючы такт рукамі, праспявала песню “Касіў Ясь канюшыну”.

Цікавы лёс удзельніцы нашай апытанкі Дашкевіч Валянціны Пятроўны. Яна прыходзіць у нашу бібліятэку разам з унучкай Анечкай. Нарадзілася Валянціна Пятроўна ў горадзе Туле, па нацыянальнасці руская. Расказала гісторыю, як яна апынулася ў Беларусі. Вучылася ў педуніверсітэце , захаплялася паэзіяй. Пакарыў яе сэрца будучы муж тым, што прачытаў ёй  верш  Ларысы Геніюш  “Птушкі і Міхаська” на беларускай мове. Па яе ўспамінах:  “Прыгожы, высокі ростам, лыжнік, займаўся цяжкай атлетыкай і чытае:

 “ Мы не маем сваіх хатак

Ціў-ціў-ціў.

Мы шукаем тут зярнятак,

Ціў-ціў-ціў”.

Менавіта гэты верш Валянціна Пятроўна прачытала і ў бібліятэцы.

Вучаніцы 7 “Б” класа  СШ № 154 Ганчарова Дар’я і Кот Марыя, дапамагаючы адна другой, прачыталі верш Дануты Бічэль-Загнетавай “Роднае слова”:

“Пад казачным дубам,

 Над Нёманам сінім...”

Абакунчык Пётр Якаўлевіч, заўсёдашні чытач нашай бібліятэкі, вельмі парадаваў. Ён чытаў на памяць вялікія ўрыўкі з паэмы Якуба Коласа “Новая зямля”. Вось што значыць “старая гвардыя”. Пётр Якаўлевіч нарадзіўся ў Пухавіцскім раёне, вёсцы Люці. Да вайны закончыў 4 класы. Потым вучыўся ў Мінскім педвучылішчы , разам з Нілам Гілевічам у адной групе. Давучыўся да 3 курса,  а потым, а потым вельмі хацелася быць ваенным.

Далей вучоба ў Ленінградскай ваеннай акадэміі і служба на Далёкім Усходзе. Не забываў радзіму , заўсёды выпісваў газеты на беларускай мове.

Вучні 6 “Б” класа СШ № 67 ,прышоўшы ў бібліятэку ,не ведалі, што будуць не слухачамі  мерапрыемства, а удзельнікамі апытанкі.

Смялейшымі былі дзяўчынкі. Ярмоленка Ксенія і Пачуйка  Даша праспявалі народную песню “Рэчанька”, а Шакура Паліна прачытала верш Максіма Багдановіча “Слуцкія ткачыхі”.

Кожны ўдзельнік апытанкі чытаў свой любімы верш, спяваў любімую песню, узгадваў цікавую загадку, альбо прымаўку.

Вялікі дзякуй усім удзельнікам апытанкі !