10 студзеня ў Цэнтральнай дзіцячай бібліятэцы чытачам
было прапанавана прыняць удзел у экспрэс-віктарыне з новага цыкла
“Нашае, роднае, любае…” пад назвай “Усё, што вы хацелі ведаць пра Міншчыну”. На
працягу дня хлопчыкі, дзяўчынкі і іх бацькі выцягвалі са скрыначкі па дзве
паперкі (некаторыя і болей) з пытаннямі, якія былі прысвечаны гісторыі і
сучаснасці нашай любай сталіцы і Мінскай вобласці. Апытанне чытачоў паказала,
што ў бібліятэку ходзяць адукаваныя людзі, якія добра ведаюць гістарычныя даты,
назвы старажытных гарадоў, імёны гістарычных дзеячоў, цудоўна арыентуюцца ў
сучасным Мінску і ўмеюць разважаць.
У віктарыне прынялі ўдзел і некаторыя
супрацоўнікі бібліятэкі. Усе, хто правільна адказваў на пытанні, атрымліваў
салодкі падарунак. Чытачы шчыра дзякавалі за магчымасць паказаць свае веды.
Віктарына праводзілася па-беларуску, таму вельмі прыемна было цэлы дзень у
бібліятэцы чуць родную мову і ад супрацоўнікаў, і ад чытачоў.
Запрашаем
чытачоў 12 лютага прыняць удзел у экспрэс-віктарыне “Усё,
што вы хацелі ведаць пра Віцебшчыну”.
Комментариев нет:
Отправить комментарий