У суботу 13 лютага да нас у госці завітаў інтэрактыўны тэатр “Калейдоскоп”.
Для дзяцей і іх бацькоў была прадстаўлена лялечная пастаноўка “Незвычайныя
Каляды” па кнізе шведскага пісьменніка Свэна Нурдквіста “Пэтсан і Фіндус
святкуюць Каляды”. Гэтая казка пабачыла
свет у адмыслова створанай серыі для дзяцей «Каляровы ровар» Бібліятэкі Саюза
беларускіх пісьменнікаў у выдавецтве «Кнігазбор».
Гледачы на гадзіну перанесліся ў вёсачку Пэтсана і сталі сведкамі
сапраўднага каляднага цуду. Дзеці не толькі ўпрыгожылі лялечную ялінку каляднымі цацкамі, якія самі
зрабілі падчас пастаноўкі, але і зрабілі падарункі для любімых герояў – старога
Пэтсана і ягонага кацяня Фіндуса. Разам з Фіндусам нашы маленькія чытачы
смяяліся і танцавалі.
Вясёлы і добры спектакль вельмі спадабаўся дзецям і дарослым, якія ўважліва
глядзелі і перажывалі за герояў.
Пасля лялечнай пастаноўкі ўсе дзеці атрымалі прыгожыя паштоўкі.
Комментариев нет:
Отправить комментарий