21
лютага ва ўсім свеце адзначаецца
Міжнародны дзень роднай мовы. Напярэданні гэтага свята ў Цэнтральнай дзіцячай
бібліятэцы імя М.Астроўскага прайшлі гучныя чытанні лепшых твораў Германіі,
Аўстрыі і Швейцарыі, якія праходзяць пры падтрымцы Інстытута імя Гётэ ў Мінску,
на нашай роднай беларускай мове. Аматары літаратуры пазнаёміліся з цудоўнай
кнігай “Пакатун і Паляжун: гісторыі з жыцця” пісьменніцы Брыгіты Шэр.
У гэты дзень дапытлівыя чытачы даведаліся пра гісторыю гэтага
свята. Паводле звестак ЮНЕСКА, у свеце зараз існуе каля 6 тысяч
розных моў, і амаль палова з гэтых моў знаходзіцца пад пагрозай знікнення.
Беларуская мова ж займае другое месца ў свеце (пасля італьянскай) па прыгажосці
і мілагучнасці. Таму мы павінны з павагай і пяшчотай адносіцца да роднай мовы.
Дзякуючы таленавітай перакладчыцы Ірыне Герасімовіч,
гісторыі пра Пакатуна і Палежуна загучалі на беларуская мове. Маленькія і
вялікія чытачы актыўна ўдзельнічалі ў вывучэнні новых беларускіх слоў,
расказвалі пра свае самыя любімыя словы, а таксама прынялі ўдзел у сцэнічных
чытаннях і абмеркаваннях незвычайных прыгод казачных герояў. І, як
высветлілася, у кожным з нас жыве маленькі ці вялікі, Пакатун ці Паляжун.
Так шкада было развітвацца з героямі казкі, таму кожны
маленькі чытач зрабіў для сябе Пакатуна і Палежуна. І нам здаецца, што яны
стануць для малых сапраўднымі сябрамі і разам з імі яны перажывуць яшчэ шмат
новых гісторый!
Са святам роднай мовы! Чытайце па-беларуску, размаўляйце
і разважайце на роднай мове. Да новых сустрэч! Да новых гісторый!
Комментариев нет:
Отправить комментарий