30 верасня ў Цэнтральнай дзіцячай бібліятэцы ім. М.Астроўскага чытачам было прапанавана прыняць удзел у новай экспрэс-віктарыне з цыкла “Нашае, роднае, любае…” пад назвай “Усё, што вы хацелі ведаць пра Брэстчыну”.
Спасылка на ўсе фотаздымкі
Нашы чытачы і супрацоўнікі бібліятэкі выцягвалі са скрыначкі па дзве паперкі з пытаннямі, якія былі прысвечаны гісторыі і сучаснасці Брэста і Брэсцкай вобласці. Апытанне паказала, што ўсе ўдзельнікі добра ведаюць гістарычныя даты, падзеі, назвы старажытных гарадоў і імёны славутых дзеячоў Брэстчыны. За правільныя адказы на пытанні ўсе атрымалі падарункі.
Вось і завяршыўся цыкл “Нашае, роднае, любае…”, які быў прысвечаны Году малой радзімы.
На працягу шасці месяцаў мы апытвалі карыстальнікаў бібліятэкі на веданне нашай краіны і спадзяемся, што гэта было нездарма, бо хай гэта гучыць знаёма і паўторана было не раз, але ж ісціна не меншае ад яе паўтарэння: любоў да роднай зямлі, да свайго краю немагчыма без ведання яго гісторыі, геаграфіі, этнаграфіі. Дзякуй усім, хто разам з намі здзяйсняў пазнавальнае “падарожжа” па рэгіёнам Беларусі.
Спасылка на ўсе фотаздымкі
Комментариев нет:
Отправить комментарий